＊訂購須知＊
(1)單買強報一份將以「Royal Mail 2nd Class」郵寄（不設追蹤及簽收）
(2)與其他產品一同購買則隨包裹以速遞寄送
大細：A3
材質：硫酸紙（磨砂半透明質地）
今期我唔想講政治，我想講生活。
離開一年，我以為香港變化唔會好大，
但返到嚟我第一個感覺係⋯⋯「哇，好中國」。
一返到嚟就見到舖天蓋地嘅京東廣告、行超級市場見到中國唔同品牌嘅酸奶同牛奶、街市入面有自提點、周圍都係智能櫃⋯⋯
我唔排斥國貨，生活上一定有好多物品同食品係made in China，
但我緊張嘅係比例問題，而且而家唔止係產品，
係服務、娛樂、連政府篇新聞稿都係made in China
去邊到消費係個人選擇同權利，但我好自私地希望大家係其他地方消費嘅同時，會記得分少少比香港。
一枝水、一條廁紙、甚至係餸菜水果，
係唔一定要由山長水遠嘅關口托返嚟香港，
如果只係拎住「平」做唯一消費準則，咁香港嘅市場就可以輾碎、壓榨、發酵、釀酒，逢年過節拎出嚟，掛係唇邊「想當年，仲有made in Hong Kong個時⋯⋯」
所有野都係選擇。
幾年前我地終於意識到「免費嘢係最貴」嘅道理，都承擔緊個後果；今日我可以講「其實平嘢都係最貴」
我都想行超市、行地舖或者用APP時多啲本地品牌選擇、但主流嘅選擇係令我都無得選擇。
其實香港可以比大家揀嘅野已經所剩無幾，
我只係想我俾出去嘅錢係落返係香港人到，我想我落街時仲有香港人開嘅小店、
我想行實實在在嘅地舖、我想有得揀。
出版:
2025年3月
產品分類:
