此乃廣東話資料館「通學」系列第6本《趣看生活——廣東話常見錯別字》的新版，新增篇章〈一義多寫詞〔舉隅〕〉。
「畀、俾、比」三個字有咩分別？「嗰、個、果」究竟要用邊個？「唔使」、「唔駛」定「唔洗」？「辦、辮、辨、辯、瓣」不分？個炒飯究竟係「揚州炒飯」還是「楊洲炒飯」？「liu1 lang1」正確寫法點樣寫？「執書／執輸」、「撕紙／獅子」讀音一樣但意思大不同。
錯別字，係錯字同別字嘅統稱，喺文字發明之後就已經存在，並唔係最近嘅事。所謂錯字，即係寫錯字，通常都係涉及多寫或者少寫咗啲筆劃；而別字又稱為白字，字就冇寫錯到，但係就用錯咗另外一個字。就以中文字而言，指喺文字嘅筆劃、字體或者文法上，形音相似出現訛誤，而構成一啲唔合現時「白話文」書寫規範嘅字都稱為錯別字。但係由於文字嘅發展，好多原本嘅錯字都被扶為正字，而正字反被當成錯字，所以喺現時錯別字嘅判斷，通常就以政府公佈嘅文字為基準。
廣東話資料館「通學」系列第6本《趣看生活——廣東話常見錯別字》，繼續同讀者發掘更多有關香港嘅生活用語。
