廣東話資料館「通學」系列第7本，講吓香港奇譚。
巴士阿叔、機場阿嬸都或者可能聽過，石裡藏人事件、天星小輪加價事件又聽過未？太平山別名叫扯旗山原來同張保仔有關？荃灣原來曾經叫淺灣？被叫做二奶巷嘅安和里同埋被叫做大婆巷嘅和安里原來暗藏大婆同二奶個名？
香港人有好多奇特嘅想法、言論同見解，佢哋鍾意聽異於尋常嘅傳說；又喜歡聽一啲拍案驚奇嘅故事，呢啲古靈精怪、整蠱整怪嘅事鬧大之後，又經過口耳相傳、再加鹽加醋，無咩唔可以成為奇譚。
＊＊＊
〔致歉〕第五七頁末段漏字修正：
五鬼山傳說
傳說喺清代初期，吊頸嶺同鹹田山之間嘅山峰，當時喺呢一帶曾經被海盜盤踞，因為咁而被人叫「黑鬼山」，又有話係有五個海盜喺呢處出現，所以又被人叫「五鬼山」，不過鬼聲鬼氣唔好聽兼唔吉利，後來被人改叫「五桂山」。
